THURSDAY 18 APRIL 2019

Archivos por Etiqueta: Luis Bará

Luís Bará: “O PP recibiu un toque de Madrid e deu marcha atrás na reclamación de competencias”

A través dunha pregunta parlamentaria ao goberno galego, formulada polo  deputado do BNG, Luís Bará sobre o desenvolvemento da lei de política galega e a demanda ao Goberno central das competencias de Tráfico, circulación de vehículos e seguridade cidadá, o director xeral de Emerxencias, Santiago Villanueva respondeu que a Xunta non renuncia a novas competencias pero sempre que sexan útiles e financiadas.

Para o nacionalista, a resposta de Villanueva, evidencia o “xesto cara a galería” do Partido popular e do propio  Núñez Feixóo sobre o tope competencial en ámbitos como os xa transferidos a Euskadi e Catalunya. Agora, dixo, “déronlle o toque desde Madrid” e hai que “repregar velas e dar marcha atrás”.

Bará criticou que o Parido popular galego, no goberno dende o ano 2009, non conseguira ningunha transferencia, o balance é “cero patatero” a pesar do goberno amigo de Raxoi e co que sería máis fácil, supostamente, negociar as transferencias. A súa vontade política para conseguir algunha competencia para Galiza, recalcou é “cero”  e os seus anuncios agora chocan cos feitos.

O PP utiliza a escusa dos orzamentos para xustificar a falta de transferencias e insistiu en que o BNG xa denunciou publicamente “o agravio” dos orzamentos do Estado con Galiza. No vindeiro pleno, explicou Bará, teremos oportunidade de debater sobre esta cuestión porque os investimentos e a reclamación de transferencias “non son incompatibles, son complementarias”. Transferencias si, repetiu Bará pero tamén orzamentos “xustos e non discriminatorios para Galiza.”

O deputado recriminou ao director xeral de emerxencias  que tentara xustificar que   as competencias en Tráfico  non son necesarias nin o desenvolvemento da Lei de policía. Os datos de seguridade viaria e accidentes son en Galiza “extraordinariamente preocupantes” e a Xunta ten neste ámbito moita responsabilidade.

Despois da súa intervención, dixo Bará, queda claro que  o goberno non ten intención de avanzar. Vostedes están actuando como un “goberno paria” e aceptando a doutrina “da marcha atrás e da recentralización”. Non escoitei ningunha voz en contra das palabras de Casado cando propón recentralizar competencias, vostedes, sentenciou,  “apoian ese discurso, o discurso da recentralización de competencias”.

O BNG presenta un plan de traballo co obxectivo de garantir a seguridade nos eventos públicos

O BNG ven de rexistrar no Parlamento o plan de traballo que recolle as comparecencias e a solicitude de documentación de cara á Comisión de investigación do accidente do Marisquiño. A formación nacionalista encara esta comisión cun dobre obxectivo: Esclarecer os feitos e dirimir responsabilidades políticas e garantir a seguridade nos espectáculos públicos masivos.

“O primeiro é saber que pasou, por que un espazo que estaba nun estado de abandono se utilizou para un evento ao que asistiron miles de persoas, -por iso é preciso dilucidar as responsabilidades políticas do concello, do porto de Vigo e da Xunta-. E, e en segundo lugar, queremos que a comisión sirva de cara ao futuro, para mellorar a xestionar dos grandes eventos e espectáculos públicos multitudinarios, para garantir a seguridade, que debe ser absoluta prioridade por parte das administracións”, salientou o deputado por Pontevedra e portavoz do BNG na comisión, Luís Bará.

Bará lembrou que a Lei galega de espectáculos “estreouse” con este grave accidente e amosouse especialmente crítico co enfrontamento entre as tres administracións implicadas, más interesadas en buscar culpables e escorrer o vulto que en poñer solucións e atender ás persoas afectadas.

“Hai que mellorar a colaboración institucional”, recalcou, porque ao lado das vítimas, “o peor deste sinistro foi o lamentable espectáculo entre administracións, o enfrontamento permanente e a liorta por intereses partidistas”, alegou. De feito, ese conflito permanente entre Concello e Xunta “está provocando até risco para as vidas das persoas”, ademais de privar a Vigo de importantes servizos, equipamentos e infraestruturas.

No plan de traballo rexistrado hoxe no Parlamento, o BNG solicita a comparecencia do presidente da Xunta, do alcalde de Vigo e do presidente da Autoridade do Porto vigués, así como dos responsables políticos e técnicos de todas as administracións implicadas na autorización, xestión e realización do evento. E, por suposto, representantes das persoas afectadas e da empresa organizadora.

Entre a documentación: Plans do porto, plan de protección do festival, toda a documentación do Porto de Vigo relativa á autorización e cesión de espazos para a realización do Marisquiño, información sobre situación dos espazos portuarios en que se desenvolveu o certame, especificamente da zona do sinistro.

En relación ao Concello de Vigo, documentación relativa á tramitación, autorización e supervisión do festival, documentación relativa ao estado da zona do accidente, e tramitación municipal de permisos. E no caso da empresa, documentación relativa ao operativo de seguridade do festival, ao operativo de emerxencias e a resposta sanitaria fronte ao accidente desde o día que se produciu até a actualidade.

Os votos do PP impiden que o Parlamento Galego apoie ás activistas “19 de Meirás”

O deputado do BNG, Luís Bará, defendeu hoxe unha proposición non de lei en comisión co fin de acadar o apoio de todas as forzas políticas para as 19 persoas que participaron nunha protesta pacifica para reclamar a devolución do Pazo de Meirás.

O parlamentario do BNG tamén solicitou que o Parlamento galego rexeitara a demanda interposta pola familia Franco e a Fundación Franco e impulsar todas as medidas necesarias para a devolución dos bens espoliados pola familia do Ditador.

Bará explicou que o  pasado 30 de agosto de 2017 un grupo de persoas, “galegas e galegos demócratas, militantes nacionalistas, sindicalistas, activistas sociais e  culturais así como  traballadores e traballadoras pola Memoria histórica” realizaron unha acción pacífica e simbólica, despregando  dúas faixas no pazo de Meirás para reclamar a atención e intervención dos poderes públicos e recuperar un  patrimonio que debe ser do pobo galego. Pretendían deste xeito,  reiterou Bará, instar ás  institucións públicas con  capacidade para iniciar accións  para rescatar o pazo e todo o patrimonio espoliado polo ditador Francisco Franco.

Tratouse dunha “acción pacífica”, reiterou o deputado do BNG, unha acción nun día de visita pública, en que a obriga da familia espoliadora do pazo era telo aberto ao público como corresponde a un patrimonio declarado como Ben de Interese Cultural. A acción durou aproximadamente 2 horas e todas as persoas que participaron nela abandonaron o edificio e o recinto do pazo en presenza de axentes da Garda Civil da mesa maneira pacífica, sen ningún tipo de incidente nin de dano ao patrimonio, remarcou.

PUNTOS RECOLLIDOS NA PROPOSTA DEFENDIDA POLO BNG

  1. Expresar o apoio ás persoas que o pasado 30 de agosto de 2017 participaron nunha acción pacífica e simbólica de ocupación do Pazo de Meirás, co obxectivo de reclamar a intervención dos poderes públicos para recuperar un patrimonio que debe ser do pobo galego.
  2. Manifestar o rexeitamento a respecto da demanda interposta pola Fundación Nacional Francisco Franco, Carmen Franco Polo e José Cristóbal Martínez Bordiú Franco contra 19 demócratas que participaron na citada ocupación pacífica e simbólica, e que son acusados de delitos de odio, contra o honor, danos e violación de morada.
  3. Expresar a condena e rexeitamento do uso do Pazo de Meirás por parte da Fundación Nacional Francisco Franco para facer apoloxía do xenocidio fascista, da Ditadura e do Ditador, e en consecuencia demandar que se inicien accións encamiñadas á ilegalización da citada Fundación.
  4. Apoiar as iniciativas que deben realizar as institucións públicas para a recuperación dos bens espoliados pola familia Franco e nomeadamente as relacionadas coa recuperación do Pazo de Meirás para o patrimonio público, para a súa posterior conversión en espazo da memoria histórica democrática galega.”

Pola súa parte, o  portavoz do Partido popular, Cesar Fernández Gil, anunciou o voto en contra por considerar que o contido da iniciativa nacionalista debe ser resolta nos xulgados ao que o nacionalista respondeu acusando ao PP de “tibios, contemporizadores e pouco claros” á hora de condenar o franquismo ou tomar decisións nesa liña.

Tras o resultado da votación coa  iniciativa nacionalista rexeitada polos votos do PP, Bará cualificou de  “despropósito” que persoas demócratas pasen polo xulgado e se lles pida unha pena que pode chegar a 247 anos, por unha acción pacifica, mentres a Fundación Franco segue facendo apoloxía e enaltecendo ao ditador, “é unha anomalía democrática”. Pasa o tempo e a familia Franco segue facendo manobras para “burlar os acordos parlamentarios”, concluíu.

Os votos do PP impiden que o Parlamento Galego apoie ás activistas “19 de Meirás”

O deputado do BNG, Luís Bará, defendeu hoxe unha proposición non de lei en comisión co fin de acadar o apoio de todas as forzas políticas para as 19 persoas que participaron nunha  pacifica para reclamar a devolución do Pazo de Meirás.

O parlamentario do BNG tamén solicitou que o Parlamento galego rexeitara a demanda interposta pola familia Franco e a Fundación Franco e impulsar todas as medidas necesarias para a devolución dos bens espoliados pola familia do Ditador.

Bará explicou que o  pasado 30 de agosto de 2017 un grupo de persoas, “galegas e galegos demócratas, militantes nacionalistas, sindicalistas, activistas sociais e  culturais así como  traballadores e traballadoras pola Memoria histórica” realizaron unha acción pacífica e simbólica, despregando  dúas faixas no pazo de Meirás para reclamar a atención e intervención dos poderes públicos e recuperar un  patrimonio que debe ser do pobo galego. Pretendían deste xeito,  reiterou Bará, instar ás  institucións públicas con  capacidade para iniciar accións  para rescatar o pazo e todo o patrimonio espoliado polo ditador Francisco Franco.

Tratouse dunha “acción pacífica”, reiterou o deputado do BNG, unha acción nun día de visita pública, en que a obriga da familia espoliadora do pazo era telo aberto ao público como corresponde a un patrimonio declarado como Ben de Interese Cultural. A acción durou aproximadamente 2 horas e todas as persoas que participaron nela abandonaron o edificio e o recinto do pazo en presenza de axentes da Garda Civil da mesa maneira pacífica, sen ningún tipo de incidente nin de dano ao patrimonio, remarcou.

PUNTOS RECOLLIDOS NA PROPOSTA DEFENDIDA POLO BNG

  1. Expresar o apoio ás persoas que o pasado 30 de agosto de 2017 participaron nunha acción pacífica e simbólica de ocupación do Pazo de Meirás, co obxectivo de reclamar a intervención dos poderes públicos para recuperar un patrimonio que debe ser do pobo galego.
  2. Manifestar o rexeitamento a respecto da demanda interposta pola Fundación Nacional Francisco Franco, Carmen Franco Polo e José Cristóbal Martínez Bordiú Franco contra 19 demócratas que participaron na citada ocupación pacífica e simbólica, e que son acusados de delitos de odio, contra o honor, danos e violación de morada.
  3. Expresar a condena e rexeitamento do uso do Pazo de Meirás por parte da Fundación Nacional Francisco Franco para facer apoloxía do xenocidio fascista, da Ditadura e do Ditador, e en consecuencia demandar que se inicien accións encamiñadas á ilegalización da citada Fundación.
  4. Apoiar as iniciativas que deben realizar as institucións públicas para a recuperación dos bens espoliados pola familia Franco e nomeadamente as relacionadas coa recuperación do Pazo de Meirás para o patrimonio público, para a súa posterior conversión en espazo da memoria histórica democrática galega.”

Pola súa parte, o  portavoz do Partido popular, Cesar Fernández Gil, anunciou o voto en contra por considerar que o contido da iniciativa nacionalista debe ser resolta nos xulgados ao que o nacionalista respondeu acusando ao PP de “tibios, contemporizadores e pouco claros” á hora de condenar o franquismo ou tomar decisións nesa liña.

Tras o resultado da votación coa  iniciativa nacionalista rexeitada polos votos do PP, Bará cualificou de  “despropósito” que persoas demócratas pasen polo xulgado e se lles pida unha pena que pode chegar a 247 anos, por unha acción pacifica, mentres a Fundación Franco segue facendo apoloxía e enaltecendo ao ditador, “é unha anomalía democrática”. Pasa o tempo e a familia Franco segue facendo manobras para “burlar os acordos parlamentarios”, concluíu.

Bará pide á Xunta e ao goberno de teo que abandonen “as manobras dilatorias” e paren o despropósito da planta de residuos de Casalonga

O portavoz parlamentario de Infraestruturas, Luís Bará, reclamou na Cámara tanto ao Concello de Teo como a Xunta “que abandonen as manobras dilatorias e as evasivas e que paren o despropósito de instalar unha planta de residuos proxectada na antiga canteira de Casalonga”, como reclama a veciñanza e a Plataforma Casalonga Limpa de Residuos, cuxas reivindicacións son apoiadas polo Bloque.

Sobran os motivos, explicou Bará,  porque está proxectada a 400 metros de un núcleo de poboación, porque supón o tratamento de 80.000 toneladas de lodos industriais para a produción de biogás e unhas obras de gran impacto que transformarán terreos rústicos, cuestión expresamente prohibida pola Lei do Solo.

“Esta prohibición é máis que suficiente para que o Concello de Teo desbote o expediente deste proxecto nesta localización porque ten as competencias urbanísticas”, salientou o deputado do Bloque, quen tamén instou á Xunta a non eludir as súas responsabilidades en materia de avaliación de impacto ambiental e de xestión de residuos, “e polo tanto debe intervir na tramitación do proxecto para desbotalo e paralo polo seu impacto na zona”.

“Non poden escorrer o vulto, nin o Concello, nin a Xunta, teñen que actuar con determinación e con valentía cada quen no ámbito da súa competencia, o concello en materia urbanística e  a Xunta en xestión de residuos”, subliñou. Bará instou á conselleira de Medio Ambiente, Beatriz Mato, a que demostre que ten vontade de solucionar o problema “collendo as rendas e convocando ao concello de Teo para deseñar unha estratexia conxunta e coordinada para darlle carpetazo a este proxecto”.

O BNG ten claro que a proxectada  planta de residuos en Casalonga “non ten máis percorrido porque non cumpre os requisitos mínimos legais, nin en materia de residuos nin urbanística. Polo tanto, -insistiu- non prolonguen máis unha tramitación que non vai a ningún lado e acaben coa preocupación e coa angustia que está sufrir a veciñanza de Casalonga e a súa contorna”.

“Actúen con determinación e coordinación e non prolonguen máis a preocupación e a angustia da veciñanza afectada”, instou o deputado

A maiores, o BNG argumenta, -segundo un anexo incluído no Plan de residuos-, que existen en Galiza dezanove instalacións con capacidade para tratar un total de 750.000 toneladas de residuos por ano, cando en Galiza se producen anualmente 190.000 toneladas, polo que hai instalacións máis que suficientes para  absorber eses residuos e non se precisan novas plantas.

Seguindo o debate da pregunta parlamentaria ao Goberno da Xunta, unha representación veciñal, entre a que se encontraba o portavoz municipal, Manuel Anxo Fernández Baz.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies