SATURDAY 23 FEBRUARY 2019

Archivos por Etiqueta: Feijóo

Basta xa de propaganda eleitoral, e póñanse a traballar polo ben do noso futuro

Por Victoria Portas
Relacións Laborais
Experta en Seguridade Social


O presidente da Xunta, Alberto Núñez Feijóo, ten unha memoria selectiva, oxalá algunhas puideramos ter a mesma memoria para esquencer certas cousas.

Recordémoslle que O Estatuto de Autonomía de Galicia data de 06 de abril de 1981, e que no seu título segundo xa sempre se reflexou “ Art 36: A Comunidade Autónoma galega poderá solicitar do Estado a transferencia ou delegación de competencias non asumidas neste Estatuto.

O PP estivo ao fronte da Xunta de Galiza ininterrumpidamente entre 1990 e 2005 e novamente volve a mesma con maioría absoluta en 2009 con Alberto Núñez Feijóo. Polo que o PP o fronte da Xunta de Galiza coincidiu co PP o fronte do Goberno de Madrid, entre 1996 e o 2004 con Aznar como Presidente do Goberno e dende o 2011 ata o 2018 con Mariano Rajoy a cabeza do PP.

E Xa fai máis de dez anos que non se piden tranferencias dende o Parlamento Galego, e éste xoves espertamos coa grata nova de que segundo o Sr. Feijoo Galiza ten “o mesmo dereito” que Cataluña e País Vasco a recibir competencias do Estado, parabéns un pouco de lucidez.

Pero só me cabe a reflexión de si o Señor Feijoo, está a falar  dun desexo seu e do PP Galego tras anos de inactividade e en contra do que apoia o seu partido en Madrid co Sr. Casado o fronte, ou si é unha cuestión de apretar a lexislatura do PSOE no Goberno de Madrid?

Dende aquí , igualmente  aplaudo que o Parlamento Galego levase a cabo dito xiro , pero debemos recordarlles a todos os partidos políticos que  forman parte do arco parlamentario que o único problema galego non son as competencias en materia de tráfico, nin o Corpo de Policía. Si ven é certo que debido as tasas de desemprego en cidades como Vigo ou  Pontevedra non só precisamos o traspaso da AP-9 senón a súa liberación da peaxe, unha das máis caras de todo o territorio español.

No noso país (2017) hai un 22.6% da poboación en risco de pobreza ou exclusión social, estamos a falar de 614.000 persoas entre os que  se atopan maiores, dependentes e menores.

Os galegos e galegas o pago da factura da luz e quecerse,  ponos nun dilema, pois ou comen ou quéntanse,  é posible a transferencia de dita competencia,  transferencia da tarifa eléctrica.

Para os galegos e galegas ter que facer fronte, o copago farmacéutico ou o pago de aqueles medicamentos fora das listas sanitarias son para eles un cargo máis enriba das súas debilitadas contas económicas, pidan transferencia de políticas sanitarias, e fagan fronte o pago dos mesmo que xa teñen a competencia.

E responsabilidade primordial do Goberno da Xunta de Galicia, sacar a mais de 3 millóns de galegos e galegas do limiar da pobreza, ten un Estatuto de Autonomía que yo permite e un pobo que o estamos a desexar.

Déixense de políticas baratas e escaparatismo e póñanse a traballar, os galegos e as galegas precisamos un goberno da Xunta que de verdade comece un estudio serio de demográfica e adecúe as súas políticas  a situación real do país.

En Marea pedirá ao presidente da Xunta que diga que ten que agochar en relación á xestión do caso do PAC da Estrada e os enfermos de Hepatite C

O voceiro de En Marea, Luís Villares, informou dos temas que o seu grupo levará ao pleno do Parlamento da a tras a xunta de voceiros desta mañá. Entre eles a proposición non de lei para regular a provisión da xefatura de servizo no Sergas xa que “é necesario acabar co alto grao de discrecionalidade e arbitrariedade que se está a dar e establecer os méritos a valorar para que os traballadores e traballadoras réxense non só pola confianza política senón tamén pola meritocracia.

En Marea levará así mesmo unha proposición non de lei sobre o plan estratéxico de Galicia para o novo período da PAC na que se ten en conta a influencia do Brexit que suporá unha minoración dos fondos europeos e un cambio de estratexia da Unión Europea así como as directrices básicas dentro do reparto que fai o propio Estado e no que En Marea aposta porque sexa Galicia o que maior grao de competencia teña a hora de realizar este reparto.

O sector do automóbil será outro dos que centrará as iniciativas de En Marea ante o anuncio do ERTE por parte de PSA Vigo. Luís Villares considerou fundamental reclamar un plan industrial que supoña que todo os sector que vive arredor de Citröen teña un desenvolvemento acorde das posibilidades do noso país.

En Marea presentará tamén unha iniciativa na que se insta ao goberno galego a acabar de xeito definitivo co proxecto da Mina Touro-O Pino despois do informe recibido desde Europa no que se advirte das graves consecuencias que tería para o Camiño de Santiago seguir adiante con este proxecto. O voceiro lembrou un informe similar hai máis de 10 anos en Lugo respecto a unhas obras no cuartel de San Fernando que podería poñer en risco a declaración da muralla como Patrimonio da humanidade  motivo polo que a Xunta de Galicia desestimou estas obras. “Estamos nun suposto análogo polo que isto bastaría xa para dar para atrás a mina” salientou Vilares.

En relación a sesión de control, o voceiro de En Marea preguntará ao presidente da Xunta de Galicia, Alberto Núñez Feijóo, que ten que agochar en relación aos recortes na sanidade pública galega. “Despois da farsa de creación de comisión de investigación dos recortes queda en evidencia a obstaculización continuada para que a oposición faga o seu traballo e investigar o acontecido no PAC da Estrada, cos enfermos de hepatite C e o todos os recortes destes anos na sanidade” denunciou Villares.

O voceiro de En Marea considerou inxustificable a postura do PP que por un lado negan a participación dos familiares das vítimas do falecido no PAC da Estrada e das persoas que están a ser investigadas da Consellería en relación ás mortes por hepatite C, pero por outra non teñen problema algún de que familiares das vítimas do sinistro do marisquiño teñan voz na comisión de investigación que está tendo lugar tamén no Parlamento ou os familiares das vítimas do Alvia que tamén están a ser escoitadas no Congreso. “Non hai explicación racional que xustifique esta diferencia de trato” asegurou o que leva a se facer a pregunta sobre o que ten que ocultar o PP.  “Pretenden que falemos só de números, e nós dicimos non porque detrás dos números hai persoas que o pasaron moi mal a causa dos recortes” afirmou Villares. O mesmo acontece coa participación de Felix Ruibal que mentres o PPdeG vetaba a súa comparecencia na comisión de investigación sobre os recortes na sanidade, si participou na comisión de investigación do Marisquiño.

O voceiro de En Marea rematou asegurando que se trata dunha falla de respecto e unha diferencia de trato inadmisible e lembrou que non existe ningunha norma nin impedimento algún no regulamento que impida que as persoas investigadas polos casos mortes por hepatite C podan participar na comisión de investigación do Parlamento. Ante a negativa e o veto imposto polo PP, En Marea pedirá explicacións directas ao presidente da Xunta de Galicia sobre que é o que teñen que agochar para se comportar así.

Esquerda Unida considera que o discurso triunfalista de Feijóo dista moito da realidade que vive Galicia

A intervención de Alberto Núñez Feijóo no Debate sobre o Estado da Nación que esta mañá tivo lugar no Parlamento galego deixa ver un Partido Popular absolutamente illado da realidade galega e que deixa fóra do debate os problemas serios das galegas e galegos que na súa maioría viven con salarios de miseria que non permiten afrontar o pagamento das hipotecas ou ter unha vida digna fronte as políticas de recortes e constantes privatizacións ás que nos ten acostumadas o Goberno do PP.

Nin unha soa palabra escoitamos no Debate da Nación para as mulleres e homes pensionistas do noso país, que levan un ano loitando pola revalorización das súas pensións na rúa, xa que en Galicia temos unhas das pensións máis baixas do Estado”, sinala a coordinadora nacional de Esquerda Unida e deputada de En Marea, Eva Solla. “Tampouco escoitamos nada sobre a realidade do noso país respecto a temas como o desemprego, que vén de aumentar un 1,5% máis que na media do Estado, ou da precariedade laboral, que obriga a emigrar ás mozas e mozos para buscar un futuro mellor”, apunta Solla.

Segundo a coordinadora nacional de Esquerda Unida, “o presidente non tivo propostas para os lumes que asolagan Galicia, para os traballadores de Seaga ou para o sector do mar, a pesar de que as mulleres sexan as principais afectadas por ter empregos precarios e están a loitar por ter convenios dignos”, contou.

Respecto á saúde, o Presidente de Galicia evitou falar dos recortes e das privatizacións dos últimos nove anos, así como a consecuente perda de dereitos laborais e do acceso á saúde das galegas e galegos.  “Feijóo minte sobre as cifras de persoal sanitario que di que se incrementa no servizo de saúde (onde só contamos ata 1.000 profesionais menos en Atención Primaria nos últimos anos) e tamén nas listas de agarda”, datos solicitados en reiteradas ocasións pola deputada de En Marea. Tampouco houbo palabras para o persoal de Povisa, empresa que vén de solicitar un preconcurso de acredores e agora intenta empregar aos traballadores e traballadoras para obter máis cartos públicos, pese a obter beneficios millonarios.

No discurso do presidente da Xunta de Galicia, problemas como a violencia de xénero ou a sinistralidade laboral, cifras das que seguimos a encabezar as listas do Estado, semellan non importar.

Respecto a mención do Presidente ao que podería ser “memoria histórica”, “a equidistancia mostrada por Feijóo entre as vítimas e os verdugos do franquismo fai que permaneza a impunidade que sofren as vítimas e as súas familias”, explicou Solla, que rematou esixindo a Feijóo que se pronunciara dunha vez sobre as palabras ambiguas de Casado, quen recoñecía que “tiña moitas coincidencias con Vox”.

Por último, dende Esquerda Unida indican que lamentan que o presidente da Xunta “en vez de facer autocrítica ou propor medidas reais para unha Galicia na que estamos a ver a preocupante cronificación do desemprego e da desigualdade social, o presidente falara dun lugar irreal“.

En Marea denuncia o deterioro da atención sanitaria que os recortes do goberno de Núñez Feijóo están a provocar nas zonas rurais

O voceiro de En Marea, Luís Villares, visitou os centros de saúde de Pontenova e Meira en Lugo onde puido comprobar como a Xunta de Galicia está a impor unha continuada redución de servizos na sanidade no ámbito rural. No caso concreto de Pontenova non se vai cubrir unha das prazas de médico alegando que a ratio é suficiente pero a dispersión demográfica e o avellentamento da veciñanza require duns coidados médicos que non se están a cubrir. Existe tamén unha praza de celador que tampouco se está a cubrir e provoca que moita xente maior teña que se trasladar ao centro para pedir cita e facer determinadas xestións que podería facer doutro xeito se esa praza estivese cuberta.

No centro de saúde de Meira, que funciona de forma continuada para atender a toda a comarca, vive unha situación similar. O voceiro de En Marea sinalou a necesidade de contar cun segundo equipo médico completo para dar servizo a toda a poboación. Pero tamén é preciso cubrir unha praza de enfermeiro que está vacante neste momento.

“Non se lle pode pedir á xente que viva no rural cando despois non se lles ofrece servizos básicos como é o dereito á atención sanitaria proxima, vital para salvar vidas e que agora mesmo non se está a producir” denunciou Luís Villares.

Unha situación que non é exclusiva na montaña de Lugo senón que se está a repetir por todo Galicia e que se está a agravar no verán co peche de camas nos hospitais, peche de servizos de pediatría en distintos lugares do noso país que está a provocar unha perda de dereitos e deterioro da calidade de vida das persoas que viven no rural. Ante isto que fai o goberno de Núñez Feijóo? absolutamente nada” remarcou Luís Villares polo que anunciou a intención do seu grupo de continuar a loitar ata lograr que a toda a poboación galega teña os mesmos dereitos e calidade de vida independentemente da zona na que viva.

Villares critica a impostura de Núñez Feijóo como “valedor” de Galicia: “non é crible que esixa agora o cumprimento de compromisos que non acadou na etapa de Rajoy”

O voceiro de En Marea critica a impostura do presidente da Xunta de Galicia; que este mércores acudiu á Moncloa como “valedor do pobo galego” para esixirlle a Pedro Sánchez o compromiso dunha axenda galega que nunca existiu. “Despois de dous de afonía e gardando silencio mentres o Partido Popular vetaba e ninguneaba os intereses das galegas e galegos, Núñez Feijóo non é crible na súa nova pose de Valedor”, indica Luís Villares; que destaca o feito de que o responsable do executivo autonómico “non pode esixir hoxe na Moncloa retomar ningún compromiso previo para Galicia, simplemente porque non o acadou durante a etapa de Mariano Rajoy”.


Luís Villares destaca o cinismo dun Núñez Feijóo que unha semana despois de rexeitar as peticións dos afectados pola explosión da pirotecnia de Tui no Parlamento de Galicia acude a Madrid como abandeirado da súa causa.

“Está ben que Núñez Feijóo fale de Paramos na Moncloa, pero puido telo feito a semana pasada no Parlamento de Galicia e negouse. Tal vez para non dicirlles á cara aos afectados que a vida dos falecidos de Tui vale menos que a dos mortos nos lumes de outubro; ou que van ter que pagar parte das casas calcinadas do seu peto porque ao presidente da Xunta non lle dá a gana de recoñecerlles esa axuda”, indica Villares.

O voceiro de En Marea bota a vista atrás para lembrar os dous últimos anos nos que a maioría aboluta do PP foi “absolutamente ruinosa para os intereses das galegas e galegos, e nos que en vez de conseguir compromisos para o país o Partido Popular foi garantía de amordazamento dos nosos intereses”.

En relación á transferencia da AP-9 a Galicia, Villares lembra que se trata dunha reclamación que o Partido Popular vetou ata catro veces no Congreso; e incide na posibilidade factible que En Marea xa ten posto sobre a mesa en repetidas ocasións e que o goberno galego podería executar se tivese un interese real neste asunto: destinar á recuperación para o público desa autoestrada os 1.200 millóns da A-57.

En materia de infraestruras, Villares lamenta que as reclamacións de Núñez Feijóo se centren no AVE, deixando a un lado os trens que de verdade unen Galicia. Nese sentido, o voceiro de En Marea reclama a necesidade de mellorar e implementar as liñas de cercanías que a diario empregan as galegas e galegos nos seus desprazamentos, como a Ferrol-Coruña, Ferrol-Ribadeo (FEVE) ou A Coruña-Lugo-Ourense. Ademais, o voceiro lembra os 2.400 millóns de euros que o goberno de Mariano Rajoy deixou sen executar en materia de infraestruturas. “Que Núñez Feijóo pida agora a execution desas partidas implica reconocer a inacción do seu partido”, destaca.

En relación ao modelo proposto por Núñez Feijóo para o financiamento autonómico, o voceiro de En Marea indica que “Galicia non precisa fondos para atender ao avellentamento poboacional da Comunidade Autónoma, senón para revertelo”. Villares lembra que En Marea aposta por un sistema que permita poñe ten marcha políticas de creación de emprego para que a mocidade galega non teña que emigrar. Luís Villares ironiza ademais sobre o feito de que o presidente da Xunta leve agora á Moncloa un asunto sobre o que non amosou o máis mínimo interese ata o de agora.  “Pedro Sánchez ten sorte de ter escoitado a proposta de Feijóo neste senso, que ata o día de hoxe descoñecemos no Parlamento de Galicia”.

Luís Villares destaca outros temas importantes que a indolencia de Núñez Feijóo non permitirá poñer na axenda do presidente da Xunta para Galicia, como o cese da actividade de Ence, “que segue na Ría de Pontevedra por un acto corrupto cometido por un goberno en funcións que agora Pedro Sánchez ten oportunidade de correxir. Pero ao presidente da Xunta non lle interesará falar disto, porque tal vez remate alí de conselleiro delegado, igual que outros cargos do Partido Popular”.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies