SATURDAY 23 FEBRUARY 2019

Archivos por Etiqueta: Eva Solla

Eva Solla asiste á mobilización por unhas “Urxencias Dignas”, en Compostela

Eva Solla, coordinadora nacional de Esquerda Unida e vicepresidenta do Parlamento, participará mañá mércores na manifestación “Urxencias Dignas”, na Praza Roxa de Santiago de Compostela, ás 19 horas.

Dende Esquerda Unida denunciamos en reiteradas ocasións que a Xunta de Galicia siga impasible ante a situación de colapso das Urxencias do CHUS e da falta do persoal e esiximos que se tomen medidas e se atendan as demandas do persoal para dar un servizo axeitado e de calidade“, indican desde a formación.

Lembramos que o problema do CHUS é tan só un exemplo da grave situación que atravesa o conxunto da sanidade galega polos recortes do PP, por iso, sumámonos e animamos a acudir á manifestación“, sentenzan desde Esquerda Unida.

Mobilización por unhas Urxencias Dignas 

Hora:19 h.

Lugar: Praza Roxa (Santiago de Compostela).

Data: Mércores, 9 de xaneiro.

En Marea insta á Xunta a aportar persoal e medios que palíen as graves carencias dos servizos de urxencias

En Marea reclama solucións urxentes ás graves carencias que atravesan as os servizos de urxencias dos hospitais galegos, e ante as que, a pesar das mobilizacións e folgas impulsadas polo persoal sanitario, a Consellería fai ouvidos xordos. Así o reclamou no pleno do Parlamento a vicepresidenta da Cámara e deputada Eva Solla, que presentou unha moción na que se instaba a poñer solución ao déficit de medios humanos e materias que están a sufrir os nomeados servizos no conxunto dos centros hospitalarios galegos.

Eva Solla denunciou a insensibilidade e a total ausencia de voltade de diálogo da Consellería de Sanidade. Un departamento que “fai augas”, e que en lugar de aportar solucións se empeña en negar o evidente e gravísimo deterioro da asistencia sanitaria.

“Falamos de carencias que son transversais ao conxunto do sistema sanitario e que xeran sufrimento ao persoal, que non pode conciliar, que se vé obrigado a facer gardas e horas extra sen alternativa e sentíndose desprezados, porque non hai ninguén na Consellería que escoite as súas demandas”, denuncia a deputada.

A representante de En Marea lembrou o mes de folga que xa leva o servizo de urxencias do CHUS, así como os dous meses  que pasaron desde que os PACs comezaron tamén a súa folga reclamando profesionais suficientes para dar unha mellor atención. Unha situación límite que, tal e como destaca Eva Solla, representa “o termómetro da grave situación que atravesa o conxunto da sanidade galega”.

“O incremento das urxencias está moi ligado ao deterioro da atención primaria. Moitos profesionais non poden dar atención a domicilio ante o colapso das consultas nos centros de saúde, con agardas de ata dez días que levan ao consecuente incremento das demandas de atención en PACs e Urxencias”. Así o destacou Eva Solla no pleno, no que tamén puxo de manifesto a relación entre a sobrecarga das urxencias e as elevadas listas de agarda nas consultas de atención especializada. “Para oftalmoloxía a agarda é duns 9 meses; cardioloxía, ano e medio. Falamos de situacións que provocan un elevado deterioro da saúde das persoas enfermas, que cando empeoran sen posibilidade de ser vistas polo seu especialista recorren tamén ás urxencias hospitalarias”.

A deputada de En Marea denuncia a “xestión absolutamente nefasta” que o goberno do Partido Popular está realizado da sanidade pública. “A pesar do colapso das urxencias, mantéñense plantas pechadas na Coruña, no Salnés e en Compostela. Abrilas, incrementar a plantilla do sistema sanitario público e cubrir as carencias nos servizos de urxencias é a solución. Tamén elaborar plans funcionais de servizo, e escoitar as demandas dos profesionais”, demanda Solla.

Para En Marea non cabe seguir agardando máis, e ante a pasividade do executivo da Xunta, que durante anos non planificou a necesidade dos MIR ou de enfermería”, esixe medidas que palíen as graves carencias. “Non contrata de forma estable, polo que os profesionais marchan; non se cubren baixas e vacacións; móvese oas profesionais entre servizos provocando descubertos; hai problemas nos PACs, nas urxencias, no 061; hai desabastecemento de fármacos. Faltan pediatras, hai informes negativos do Consello de Contas, temos sobre a mesa a xantaxe de Povisa e segue sen haber ningunha solución real. A Consellería fai augas”, conclúe a deputada.

Coa proposta defendida por Eva Solla o grupo de En Marea fai un chamamento á Xunta de Galicia para incrementar os efectivos profesionais nos servizos de urxencias tanto de atención primaria como de atención especializada de xeito permanente, acordando coas representantes sindicais das e dos traballadores as melloras necesarias no inmediato.

Así mesmo reclama a apertura das plantas e alas inoperativas de xeito permanente, dotándoas co persoal necesario para absorber as necesidades de ingresos hospitalarios e establecer protocolos para asistencia ás persoas pendentes de ingreso. Ademais, considera urxente atender o incremento de efectivos de persoal nas urxencias do CHUS, demandados pola Xunta de Persoal, así como a substitución do 100 por cento das ausencias e o cumprimento dos requirimentos da Inspección de Traballo.

Por último, En Marea pide a elaboración dun plan funcional para as urxencias do Complexo Hospitalario Uuniversitario de Santiago (CHUS) negociado coa Xunta de Persoal e repoñer o material obsoleto nos hospitais do Servizo Galego de Saúde, con especial atención ao material das urxencias do CHUS.

En Marea insta á Xunta a acometer a necesaria ampliación do centro de saúde do Porriño

En Marea insta á Xunta de Galicia a acometer dunha vez por todas a necesaria ampliación do centro de saúde do Porriño e a garantir unha dotación de persoal e medios suficiente para cubrir as necesidades asistenciais de todos os municipios aos que presta servizo. Así o reclamou este mércores no Parlamento de Galicia, onde a deputada Eva Solla defendeu unha iniciativa coa que tamén denunciou a non cobertura das baixas e vacacións.

A ampliación do centro de saúde do Porriño é unha demanda histórica. Xa en 2010 o Concello puxo a disposición unha parcela de 525 metros cadrados e asinou un acordo coa Xunta de Galicia, que incluía a creación dun servizo de fisioterapia e outro de radioloxía. Porén, case unha década despois a situación non mudou, os terreos fican baldíos e de novo o goberno galego non inclúe no seu orzamento para o vindeiro ano a partida para impulsar esa infraestrutura nin para mellorar a Unidade de Atención ás Drogodependencias. Dúas medidas aprobadas por unanimidade no pleno do Concello do Porriño.

Tal e como lembra a deputada Eva Solla, os pediatras soportan unha elevada carga de traballo, e o espazo para urxencias e rehabilitación dispoñible tamén é insuficiente. Ademais, o número de pacientes potenciais tense incrementado nos últimos anos ata superar os 40.000. Unha carga asistencial que se agrava no caso do PAC, que tamén dá cobertura a outros municipios da contorna, como Mos ou Salceda de Caselas.

Eva Solla lembra a nova concentración convocada para este xoves no Porriño, onde a veciñanza volverá reclamar que se acometa a ampliación pendente. E insta ao goberno galego a dotar este e o conxunto dos PACs galegos de persoal suficiente e a cubrir baixas e vacacións. “Non pode ser que reiteradamente o goberno non habilite as partidas precisas para cubrir as necesidades en materia sanitaria”, indica a deputada, que lamenta que o goberno galego desoa de xeito reiterado as peticións e permaneza impasible ante as carencias.

Esa liña, a deputada lembra que o déficit de medios e persoal que afecta ao PAC da localidade é un problema que se extende ao conxunto dos puntos de atención continuada de Galicia, cuxo persoal está a mobilizarse. “Lonxe de buscar solucións ás carencias dos PACs, que na súa maioría traballan con dotacións de persoal moi por debaixo das necesidades, a Xunta propón unha solución que atenta contra os dereitos dos traballadores”, denuncia Eva Solla.

“Os profesionais piden un plan de continxencias que permita cubrir as ausencias imprevistas cun modelo análogo ao que funciona no 061. Algo que non se fixo. Lonxe diso, agora a Xunta pretende obrigar ao persoal a figurar nunha listaxe sen ningún tipo de contrapartida, violando o seu dereito á conciliación e forzándoos a incrementar a súa xornada laboral”. Unha solución inaceptable.

Esquerda Unida apoia a folga do persoal da CRTVG contra o desmantelamento do servizo

Esquerda Unida apoia a folga do persoal da CRTVG que reivindica a dignidade dos medios públicos de comunicación de Galicia, un parón de nove xornadas que terá lugar entre o martes 20 de novembro e o sábado 22 de decembro. Dende Esquerda Unida queremos apoiar ao persoal que xa leva 25 semanas mobilizándose nos coñecidos como “venres negros”, para reclamar a fin da manipulación e do control informativo na CRTVG, a creación dun Consello de Informativos e Estatuto Profesional, o cumprimento da Lei de Medios Públicos ou a recuperación da produción propia interna, entre outras demandas.

Dende Esquerda Unida reivindican a necesidade de contar cuns medios públicos de calidade, que garantan o dereito a termos unha información veraz.

Ademais rexeitamos totalmente a instrumentalización que se da coas traballadoras e os traballadores de medios públicos, usadas como ferramentas para intervir no mundo político, co impedimento que convela que non fagan o seu traballo tal e como xulgan, como profesionais da comunicación que son.  

Por todo isto, dende Esquerda Unida trasladamos todo o noso apoio ás traballadoras e traballadores da CRTVG na loita que están a dar en prol da recuperación deste medio público e contra o seu desmantelamento. Ademais dos paros parciais, o mércores 19 de decembro haberá unha manifestación á que chamamos a participar.

La entrada Esquerda Unida apoia a folga do persoal da CRTVG contra o desmantelamento do servizo aparece primero en Contrainformación.

En Marea presenta os seus plans de traballo para as Comisións de Investigación sobre a Sanidade e O Marisquiño

En Marea solicitará a comparecencia do presidente e o vicepresidente da Xunta na Comisión de Investigación que analizará no Parlamento de Galicia o acontecido na última edición do Marisquiño, en Vigo. A formación xa ten listos os plans de traballo que presentará tanto a esta como á Comisión de Investigación sobre a Sanidade; que a formación quere empregar para recabar datos sobre a morte dun home no PAC da Estrada e sobre os casos de hepatite; pero tamén para analizar a situación estrutural do sistema sanitario e tentar buscar solucións ás listas de agarda. Ademais, En Marea agarda que en ámbolos casos o traballo da Cámara sirva para resarcir ás vítimas e garantir que ningún galego teña que voltar pasar por ese tipo de situacións.

En Marea aposta pola fórmula da participación cidadá nos seus plans de traballo e solicita a creación dunha plataforma web que permita á cidadanía achegar suxestións, puntos de vista e reflexións. Ademais, a formación ten incluído no seu listado de comparecentes unha ampla representación dos profesionais da sanidade, así como de pacientes e usuarios da mesma.

No caso do Marisquiño, o plan de traballo de En Marea aposta por analizar polo miúdo o marco normativo existente aplicable tanto aos espazos portuarios como aos espectáculos multitudinarios. A formación quere esclarecer as posibles responsabilidades que o Concello de Vigo, a Autoridade Portuaria e a Xunta de Galicia pudieron ter no accidente. Pero tamén repasar a lexislación en busca de posibles eivas e introducir as modificacións precisas para garantir a máxima seguridade e coordinación e conseguir que algo similar non se repita no futuro.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies