SATURDAY 20 APRIL 2019

Un incendio en Mondariz arrasa 150 hectáreas en pon en perigo vivendas

Un incendio orixinado ás 18.17 horas con varios focos en Mondariz xa destruíu máis de 150 hectáreas de bosque e forzou o domingo pola tarde a Medio Rural a decretar o nivel dous de alerta pola proximidade do incendio cara ao núcleo de Barro, a parroquia de Gargamala.

Na madrugada, a Consellería do Medio Rural desactivou a situación 2 e permitiu aos veciños regresar aos seus fogares. O incendio xa está estabilizado, aínda que esta mañá medios aéreos y terrestres seguían traballando na zona.

A teniente-alcalde de Mondariz, Monica Peralba, dixo que ningunha propiedade chegou a arder e que, aínda que o incendio non está controlado, esperan que os equipos de extinción o fagan durante as próximas horas. En calquera caso. «Non hai perigo para as casas ou as persoas».

Encóntranse traballando oito axentes, 25 brigadas, 16 bombas, catro palas e un tractor polas montañas desta parroquia e Sabaxans. Dez helicópteros tamén traballaron nas tarefas de extinción ata que se retiraron debido á falta de visibilidade.

Amigos da Terra lanza a publicación “Sinfonía para el Cambio: activismo fronte al cambio climático” na que participaron máis de 30 persoas narrando as súas experiencias persoais de loita contra o cambio climático. A presentación desta publicación enmárcase na semana de accións que Amigos da Terra Internacional leva a cabo entre 5 e o 13 de outubro para reivindicar xustiza climática e remarcar a importancia do informe especial do Panel Intergobernamental de Cambio Climático (IPCC).

Este novo informe do IPCC sairá á luz a principios da semana que vén e abarcará os posibles escenarios globais e rexionais das próximas décadas en relación ao nivel de ambición das políticas que os países poñan en marcha. Amigos da Terra entende este informe como unha chamada de advertencia dirixida aos gobernos de todo o planeta e a ocasión perfecta para esixir aos principais responsables do cambio climático que actúen con urxencia e baixo os principios da xustiza climática.

Fronte á inacción dos gobernos ante o quecemento, a publicación “Sinfonía para el Cambio” recolle modos de vida inspiradores e demostra que existe un movemento crecente de persoas que saben plantarlle cara ao cambio climático.

“Doíame pensar que a miña xeración puidese perder a produtividade das nosas terras por culpa das continuas secas, do incremento da erosión ou do aumento dos custos para producir […] Somos moitas as persoas dedicadas á agricultura nesta zona, as que entendemos que a produtividade ambiental, social e ecolóxica non ten por que estar rifada coa produtividade económica”, realata Alfonso Mozo Guzman de Murcia, unha das persoas que participan en Sinfonía para o cambio.

“Hoxe creo totalmente imprescindible que xente como eu esteamos aquí (…) A existencia de persoas vendendo os seus produtos sans e ecolóxicos é equiparable á sanidade ou a educación pública. Agora mesmo sento que é unha responsabilidade seguir aquí”, asegura Pura Seoane de Galicia.

A lectura deste documento tamén deixa entrever a importancia de esixir solucións efectivas desde o ámbito das políticas, con accións destinadas a mellorar a calidade de vida das persoas e a da Terra.  Por iso, a organización ecoloxista reclama obxectivos ambiciosos e vinculantes en materia de  redución de emisións, implantación de enerxías renovables, medidas de  eficiencia e o aforro enerxético, desinversión en combustibles fósiles  e a aposta decidida por alternativas económicas locais desde os sectores agrarios e gandeiros até os industriais.

Xa se están sufrindo as consecuencias do cambio climático por todo o mundo, e son os países que menos contribuíron os que se están sufrindo as peores consecuencias. Por este motivo a organización ecoloxista segue visibilizando esta situación de inxustiza climática esixindo responsabilidades aos países máis industrializados, e animando ás persoas a formar parte un movemento crecente de defensores da Terra.

En Galicia a presentación levarase a cabo dentro da Mostra do Posible en Cangas o domingo 7 ás 13:00 na Alameda Central onde contaremos con algunhas das testemuñas da publicación como parte da Directiva dun pequeno Monte Veciñal do concello coruñés de Rois que están a levar a cabo un proxecto de porco celta para a posta en valor do monte e a loita contra os incendios.

Protestas pola celebración dunha corrida de touros en Sarria (Lugo)

Decenas de persoas asistiron en Sarria (Lugo) á protesta convocada en contra da celebración dunha corrida de touros, a única este ano que se celebra en Galicia fóra da cidade de Pontevedra, último bastión galego pro-touradas.

Preto de 150 participantes xuntaronse desde as catro a tarde na rúa Castelao, fronte ao lugar no que se instalou a praza de touros nunha leira privada.

A protesta estivo organizada pola asociación ‘Sarria sen Touradas’, que denunciou que xa se produciu un intento de celebrar unha corrida de touros na localidade en San Xoán, pero da que os seus promotores desistiron ante o “movemento veciñal”.

Dende a organización ‘Galicia, Mellor Sen Touradas’ denunciouse que “o circo taurino de Sarria evidenciou que non existe un apoio real ás corridas de touros na localidade, onde o PSOE se puxo de perfil para avalar, de forma implícita, unha actividade cruel“.

A Consellería do Medio Rural informou da extinción do incendio forestal que afectaba desde a noite deste sábado ao Parque Natural do Xurés e que queimou case 25 hectáreas.

O lume iniciouse pasadas as 21,00 horas do sábado no municipio ourensán de Lobeira, concretamente na parroquia de Parada.

O incendio quedou totalmente extinguido sobre as 20,35 horas do domingo, tras calcinar 24,5 hectáreas, das que 18 son de arborado, e afectar a terreos do Parque Natural do Xurés.

Nos labores de extinción deste lume participaron un técnico, cinco axentes, 22 brigadas, 10 motobombas, unha pa e un helicóptero.

A asociación Aldea Viva desvela unha nova multa de Augas de Galicia á empresa da mina de Touro (Explotaciones Gallegas S.L) por unha cantidade de 20.000 euros, apenas unha semana despois de que coñecésemos a sanción de 30.000 euros á mineira polo vertido de augas residuais, que supuxeron segundo a administración “a alteración da calidade das augas por concentración de contaminantes superiores ós límites autorizables”.

No pasado mes de febreiro a asociación medioambientalista anunciaba a comunicación a Augas de Galicia e á Consellería de Medio Ambiente do desbordamento da balsa mineira situada en Bama (Touro) con resultado de contaminación do río Brandelos (aflúente do Ulla), ó mesmo tempo que censuraba o descontrol e irresponsabilidade da empresa propietaria dos terreos, e que ahora pretende poñer en marcha o proxecto de megaminería. Un mes despois do suceso o conselleiro de Industria, Francisco Conde, informaba da tramitación dun expediente sancionador en resposta a unha pregunta do grupo parlamentar En Marea, xustificando en parte o acontecido polas condicións climatolóxicas, e recoñecendo o desleixo da administración durante todos estes anos.

Agora Augas de Galicia depura as responsabilidades e deixa sen xustificación tanto ó conselleiro Francisco Conde como á mineira de Touro, e asegura que “os episodios de choiva como os acontecidos no pasado mes de Febreiro non son infrecuentes na zona, e constátase que a empresa non tomou ningunha medida preventiva para evitar o vertido polo que se lle incoa este procedemento”.

O organismo público tamén rexeita a argumentación da empresa que intenta eludir as reponsabilidades negando que o vertido ilegal altere a calidade da auga. Neste senso Augas de Galicia afirma que as diferentes analíticas demostran o contrario “logo do desbordamento constátase un incremento notable na concentración de sulfatos no río Brandelos entre augas arriba e augas abaixo do vertido e tamén un incremento moi considerable dos parámetros de Cobre e Manganeso”.

Aldea Viva considera que a resolución destes dous expedientes sancionadores con resultado de culpabilidade a Explotaciones Gallegas S.L deberían ser motivo abondo para que a administración galega rexeite o proxecto mineiro xa que queda constatada a incompetencia e ausencia de responsabilidade da empresa dende que chegou ó municipio, a comezos dos anos 90.

Ao redor dunhas 3000 persoas vestiron a camiseta negra co logo amarelo da plataforma Casalonga Limpa de Residuos e camiñaron formando unha gran cadea humana duns 2 km de longo pola estrada que atravesa a antiga canteira da Casalonga, en Teo, para protestar contra este segundo intento de convertir a canteira nun vertedoiro. “Como xa anunciáramos, non houbo relaxación ningunha logo da vitoria na primeira batalla, ao desestimar a Xunta o proxecto da planta de tratamento de residuos no monte da Casalonga“, indican dende a plataforma.

A gran afluencia á asemblea da plataforma celebrada do venres día 21, que chegou a formar retencións de tráfico importantes na N-550, xa vaticinaba o éxito da cadea humana convocada para hoxe domingo.

A empresa, que se titula propietaria dos dereitos de explotación mineira da canteira, presentou hai unha semana na Dirección Xeral de Minas da Consellería de Industria un proxecto de vertedoiro, disfrazado de plan de restauración. O plan alternativo que agora ven de presentar, que xa tiña preparado no mes de xullo, é moito máis destrutivo para o entorno que o primeiro. Se a planta de tratamento de residuos ía tratar 90.000 tn. anuais, con este novo plan supéranse as 200.000 tn. anuais de vertidos.

Lemas como “Toysal engana, vai botar o que lle dá a gana” que se podían ler na mobilización de hoxe explican o sentir da xente.

O pobo de Teo, Padrón, Ames volveu pedir aos poderes públicos que se protexa o medio ambiente e a calidade de vida das decenas de miles de persoas potencialmente afectadas polo proxecto. Xente de todas as ideoloxías e agrupacións políticas demostraron hoxe unha unidade que lle amosa ás autoridades competentes o camiño a seguir con total claridade.

A unión demostrada hoxe pola veciñanza dá folgos á Plataforma para  seguir canalizando as accións contra o vertedoiro, e renova o compromiso de loitar, de forma inclusiva, pola preservación e restauración do monte da Casalonga.

A Plataforma plantéxase expoñer a situación ao Valedor do Pobo, buscar asesoramento externo e organizar novas mobilizacións cidadás para seguir na loita.

Razón para o rexeitamento do novo proxecto

Ademais das razóns de carácter legal e urbanístico que impiden a instalación, a Plataforma entende que o plan oculta intereses contrarios a dereito, constituíndo un fraude de lei:

  • O plan indica que se vai comezar a “restaurar” dende o inicio da explotación da canteira polo que as dúas actividades serán simultáneas. Isto significa que se comezará a encher de residuos o oco da canteira actual dende o primeiro minuto da súa actividade.
  • A canteira leva 5 anos parada por non ter material de calidade que puidese ser competitivo no mercado, a antiga empresa que a explotaba entrou en quebra por este
  • Á empresa actual non se lle coñece ningunha actividade relacionada coa explotación mineira, a súa actividade céntrase na xestión de
  • Exemplos do acontecido noutros vertedoiros como o de Miramontes, na Grixoa, onde comezaron solicitando verter só inertes e remataron con todo tipo de residuos, aumenta a desconfianza da poboación.
  • Nada fai pensar que a empresa cumprirá sequera o seu propio proxecto, logo de denunciada en distintas ocasións e mesmo multada por actos contra o medio

 

Máis información en    http://casalongalimpa.gal e no facebook Casalonga Limpa de Residuos

 

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies