SUNDAY 24 FEBRUARY 2019

Dende a agrupación local de Compromiso piden que se garanticen os 24 postos de traballo da Escola Municipal de Música. Na formación galeguista din” non entender como nos pliegos do concurso non se esixe a subrogación do persoal como condición
indispensábel”.

Dende Compromiso por Galicia indican que a Escola Municipal de Música non pode ser un negocio a costa dos empregos do persoal. Tamén piden que Esproade S. L., a empresa adxudicataria do servizo, asuma o persoal laboral da Escola e móstranse moi críticos ca
actuación do goberno municipal nesta adxudicación.

Desde a formación galegista esixen máis seguridade xuridica para os servizos que están sen contrato e pendentes de adxudicación como os de limpeza e conserxería de 14 colexios públicos e 6 pavillóns deportivos cun total de 56 traballadores que
finaliza este mesmo mes de Maio xunto ó servizo de xardinería de Sagueiriños cun contrato especial de emprego para persoas con discapacidade que xa rematou no mes de Marzo e aínda non se sabe nada do novo contrato.

O portavoz parlamentario de infraestruturas, Luís Bará, reclamou na Cámara que a Xunta entregue de inmediato ao concello de Carnota as obras da rede de saneamento do lugar do Pindo, feitas as reparacións oportunas no caso de que os anos de retraso provocaran desperfectos e infiltracións de augas mariñas na infraestrutura. Ao mesmo tempo, o deputado nacionalista tamén demandou que se axilice o proxecto para a dotación da rede de saneamento no lugar de Lariño, igualmente neste municipio.

Neste sentido, Bará fixo referencia ao longo retraso acumulado nas obras de saneamento na localidade do Pindo, o que deriva nun problema de saúde pública, ambiental e mesmo de imaxe nun municipio que ten unha gran actividade turística pois conta con dous dos reclamos do patrimonio natural máis importantes e valiosos de Galiza como é a fervenza do Ézaro e o Monte Pindo.

Desde 2005 en que se redactou o proxecto para mellorar a rede de saneamento, as obras foron un suma e segue de obstáculos e problemas, mesmo coa creba da empresa contratada.

A día de hoxe e, seis meses despois da última data prevista para a finalización das obras, estas seguen sen terse entregado ao Concello, para que desde a corporación municipal que preside o rexedor Ramón Noceda “se poda comezar a enganchar os domicilios particulares e os puntos de vertido problemáticos”, tendo en conta as graves afectacións mesmo a lugares referencias do municipio como a Praia de San Pedro.

O BNG é consciente da complexidade orográfica da costa pero o proxecto de saneamento do Ézaro e do Pindo está licitado por Augas de Galiza desde 2008, e tras dez anos as obras seguen sen rematar coas graves consecuencias sanitarias e ambientais e tamén de impacto en relación ao turismo. Bará reiterou a demanda de que finalicen as obras para arranxar o problema de saneamento no Concello de Carnota, como demanda o goberno local e a veciñanza.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies