SATURDAY 20 APRIL 2019

Como xa fixera cos 19 de Meirás, para os que a Fundación e os herdeiros de Franco pide 300 anos de cadea por reclamar a devolución do Pazo de Meirás, o BNG proclama o seu total apoio ás 9 persoas denunciadas por un sobriño do ditador, -José Cristobal Martínez-Bordiu-, neste caso por demandar a devolución da Casa de Cornide, en pleno centro histórico da Coruña, de novo a través dun acto simbólico e pacífico o pasado 26 de setembro de 2017.

Agora, as persoas activistas, -moitas militantes nacionalistas-, son denunciadas por un sobriño do ditador e están pendentes da celebración do xuízo no Xulgado de instrución número 4 da Coruña o vindeiro 18 de xullo.

A coincidencia da data fai aínda máis evidente a anomalía democrática e o esperpento que supón que, 40 anos despois da morte de Franco, siga a ser necesario loitar contra o franquismo, mentres os herdeiros do réxime que segou a vida de milleiros de galegos e galegas continúan a gozar dos bens roubados ao pobo galego e recibindo títulos nobiliarios por parte do Goberno do PP.

O Bloque traslada o seu total apoio as nove persoas denunciadas así como a súa  solidariedade e orgullo polo seu imprescindible activismo. Co acto simbólico e pacífico na Casa de Cornide non fixeron outra cousa que defender a dignidade do pobo galego, a dignidade das vítimas da ditadura que aínda non recibiron xustiza, nin foron compensadas, nin a súa memoria restituída, e defender os valores máis elementais dunha democracia que se prece.

Malia o contexto de involución democrática, favorecido por normativas aprobadas polo PP como a Lei mordaza, pero que as forzas estatais que se definen como progresista foron incapaces de derrogar, o BNG confía en que esta nova denuncia non teña percorrido algún e se resolva con prontitude e contundencia a favor destas 9 persoas que co seu acto reivindicativo asumen o papel que terían que ter feito o  Goberno do Estado e a Xunta de Galiza: Defender valores democráticos fundamentais que, neste caso, pasan por acabar coa ignominia de que o Franquismo sen Franco sega a campar as súas anchas, ocupando bens que son do pobo galego e recibindo honores nobiliarios.

A formación nacionalista continuará traballando para que o Pazo de Meirás, a Casa de Cornide e as esculturas de Abraham e Isaac sexan devoltas ao seu lexítimo propietario, -sen coste algún para Galiza-, como acto de dignidade colectiva e de ele elemental compensación coas vítimas.

O portavoz do Grupo Socialista, Xoaquín Fernández Leiceaga, puxo hoxe o foco sobre as graves consecuencias dos recortes no servizo de Pediatría de Bergantiños e a negativa do goberno galego a cubrir as baixas de vacacións destes profesionais. Fernández Leiceaga encabezou a visita dunha delegación do Grupo Socialista a Carballo para coñecer de primeira man esta situación e manter a continuación un encontro con representantes dos empresarios.

Fernández Leiceaga anunciou unha ofensiva parlamentaria para dar unha chamada de atención sobre as graves consecuencias da xestión do goberno galego, que ten cruzado “tódalas liñas vermellas” con este servizo. Criticou que os recortes “superan todo o racional” no caso de Carballo, onde este verán poden acumularse ata 2.000 pacientes pediátricos por médico.

O responsable socialista explicou que, debido ás vacacións de verán, o Centro de Saúde de Carballo terá que atender ademais aos rapaces de Coristanco, Malpica e Zas, nun centro que terá dous pediatras menos no verán, dos que só será substituído un deles. Así, poderán chegar a duplicar a ratio recomendada de 1.000 pacientes por cada médico.

Leiceaga recolleu hoxe as demandas dos afectados pola falla de persoal no servizo de Pediatría nun encontro no que participaron, ademais dos representantes socialistas de Carballo, o portavoz de Sanidade do Grupo Socialista, Julio Torrado, a representante do Grupo na comarca, Loli Toja, e os deputados e deputadas de A Coruña.

Anunciou que o Grupo Socialista presentará no Pleno do Parlamento que comeza o próximo martes unha interpelación ao conselleiro de Sanidade precisamente sobre a situación da atención pediátrica no verán, no que tratarán ademais o tema específico de Bergantiños.

Empresarios

A continuación mantiveron un encontro cunha ampla representación de empresarios da zona de Bergantiños, que analizaron as repercusións para a comarca da falla de comunicacións polo sur, pendente da execución da Variante proxectada en 2009 e que permanece paralizada polo goberno de Feijóo.

Tamén estudaron a falla de solo industrial, que xunto coas trabas administrativas para poñer en marcha empresas e a falla de incentivos do goberno galego, provoca unha “tormenta perfecta” para impedir o desenvolvemento de proxectos empresariais na comarca.

A agrupación local de Compromiso pide o servizo de noitebús para as festas do Apóstolo por parte do Concello. O noitebús é unha alternativa de transporte público nun horario que habitualmente non funcionan as liñas urbanas.

Os galeguistas entenden que o servizo debería ir acompañado das paradas antiacoso, as
paradas a demanda orientadas á protección das mulleres das que poderá beneficiarse calquera usuario tanto mulleres, homes, mocidade ou xente maior. As paradas antiacoso permiten solicitar, en calquera punto do percorrido entre dúas paradas, poder baixarse no punto máis axeitado para non ter que camiñar sós un traxecto de noite.

É un servizo que debería funcionar todo o ano.

Dende Compromiso apuntan que o funcionamento é moi sinxelo: “ao subirse o autobús, o usuario que queira beneficiarse deste cambio indicaralle ao conductor o punto exacto no que quere baixarse e quedará nos asentos dianteiros para, chegado o momento, baixar pola porta dianteira en vez de facelo pola traseira”. De igual modo, engáden que Santiago é unha cidade segura, “pero queremos que o sexa máis”. Este servizo xa funciona en cidades como Terrasa, Bilbao ou Vigo.

A portavoz nacional, Ana Pontón, visitou o concello de Culleredo onde abordou da man do portavoz municipal, Antonio Chouciño,  dous dos graves problemas que soporta este concello da área metropolitana da Coruña con 30.000 habitantes e gran puxanza demográfica: a situación de caos na planificación educativa e a deficiente mobilidade pola falta de conexión coa AP9.

Nun encontro con nais e pais no IES Rego da Trabe, e tras escoitar as súas demandas, Pontón anunciou que trasladará ao Parlamento unha iniciativa para crear unha mesa de diálogo a tres bandas, -comunidade educativa, concello e Xunta-, para buscar solucións a saturación dos centros educativos e á falta de planificación.

“Culleredo soporta unha xestión calamitosa no ámbito educativo, con alumnado en centros que non lles corresponde, con IES saturados, onde espazos que deberían albergar bibliotecas ou laboratorios son ocupados por aulas restando calidade no ensino, mentres se da o contrasentido de que apenas a 200 metros hai infraestruturas educativas infrautilizadas”, argumentou Pontón.

A dirixente do Bloque considera que é hora de buscar unha solución porque o problema non deixou de medrar ao longo dos últimos cursos. “Basta xa e urxe unha mesa de diálogo entre a comunidade educativa, o concello e a Xunta que permita abordar os problemas de planificación, de masificación de centros educativos e de infrautilización doutros”, recalcou, tras atribuír a pésima planificación educativa no concello á política do PP nesta materia “de favorecer o ensino privado en detrimento do público”.

O portavoz municipal afondou nesta cuestión ao salientar que o problema de saturación en todas as franxas educativas, -primaria, secundaria e bacharelato-,  aínda podería ser peor “se se computaran ás familias que optaron por escolarizar aos seus fillos e fillas en centros concertados ou privados ante os problemas de planificación que soporta Culleredo”. “A organización é caótica porque a Xunta é incapaz de planificar o sistema educativo neste concello e, mesmo tendo infraestruturas infrautilizadas, hai alumnado que tocándolle un centro vese obrigado a ir a outro”, recalcou Chouciño.

Mellorar a mobilidade

A segunda cuestión abordada na visita da portavoz nacional foron os problemas de mobilidade nun municipio atravesado pola AP9, a A6 e o tren, -infraestruturas que actúan máis como barreiras que como conexións-. Para mellorar esta situación, o BNG tamén vai presentar iniciativas no Parlamento.

En concreto, unha proposición non de lei para poñer sobre a mesa a conexión do concello coa AP9 a través da área de servizo de Almeiras, “que permitiría a conexión coa  autoestrada e tamén co aeroporto cun menor impacto ambiental, cunha mellora substancial da mobilidade e que suporía un custe de execución dez veces inferior á alternativa que se propón desde o concello”.

A formación nacionalista destaca que esta proposta non suporía afectación algunha para a veciñanza, ao contrario que a opción do vial 18 que obrigaría a expropiar vivendas familiares e multiplicaría o custe desde os 2,5 millóns de euros aos 20 millóns de euros.

Compromiso por Galicia ve con sorpresa o anuncio de Delta Cargo de abandonar a concesión da terminal de carga do aeroporto a finais de mes. A formación galeguista non atopa explicación ao repentino abandono da concesión, máis tendo en conta que no exercicio de 2017 era a terceira do Estado en volume de quilos, só por detrás de
Victoria e Bilbao.

As administracións públicas non se poden quedar de brazos cruzados ante a perda de empregos directos e indirectos que afectan a máis de 50 empresas, 17 delas adicadas ao peixe e ao marisco.

Estas empresas ven con preocupación a posibilidade de que os seus clientes busquen outros provedores fóra de Galicia. “Lavacolla non se pode permitir ter unhas instalacións de 2000 metros cadrados agonizando” sosteñen desde Compromiso, “máis cando están dotadas de todo o preciso para procesar mercadorías perigosas, productos fitosanitarios,
envío e recepción de produtos perecedoiros, animais vivos, correo ou repatriacións de restos humanos”.

Ante falta de datos de datos concretos sobre os empregos directos e indirectos, a agrupación galeguista demanda seguridade xurídica para o persoal traballador, que xa no 2011 foron subrrogados por Delta Cargo.

Read more ...

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies