SATURDAY 23 FEBRUARY 2019

Archivos de Autor: admin

Díaz esixe ao Goberno que leve á Fiscalía Anticorrupción o Caso de Cospedal e Morenés por frear a construción de fragatas en Navantia

Hoxe levamos ao Congreso un caso que vimos de coñecer recentemente: o Goberno de Rajoy freou durante dous anos a construción de fragatas en Navantia coa fin de adaptalas aos mísiles da empresa de Morenés. Con esta acción, o PP lograba paralizar un proxecto de 4.000 millóns de euros que garantía a carga de traballo en Ferrol durante anos; un xesto que deixou sen traballo a milleiros de persoas en Galicia.

“Estamos ante un grave caso de corrupción do Estado: podemos decir o ‘Caso Morenés’ ou o ‘Caso do Goberno de Rajoy’, que revela moi ben como funcionan as portas xiratorias. Altos mandatarios do Estado que traballan para as grandes multinacionais”. Así de contundende mostrouse a deputada de En Marea, Yolanda Díaz na sesión de control ao Goberno.

“Fíxense como mandan os que non se presentan ás eleccións”, ironiza a deputada, que lembra que “no ano 1996, o Sr. Morenés, era secretario de Estado de Defensa, co Sr. Aznar. Despois, ata o ano 2011, foi o presidente da multinacional armamentística MBDA e logo, de novo e por último, Ministro con Rajoy”. Neste último periodo, é cando Morenés quere colocar á armanda os misiles da súa empresa, aínda tendo a armada un informe que o desaconsella, bloqueando inicio dos traballos nos estaleiros que a empresa pública ten en Ferrol.

“Que pasa?”, continúa Díaz, “que miles de persoas se van ás rúas e quedan sen traballo e, logo, se lle encarga á empresa de Morenés un contrato para que evalúe uns mísiles que xa dixera a armada que non os aconsellaba. Isto é corrupción e a súa corrupción é un problema para a industria Española e para as xentes do seu país. Por iso lle preguntamos que medidas van tomar ante o corruptor, Cospedal e o Partido Popular?

Van levar este caso á Fiscalía Anticorrupción?”, pregunta a deputada.

“O PSOE, pola reconversión no naval, non ten moi boa fama no sector público. Agora, teñen unha oportunidade para depurar responsabilidades e non comportarse como o PP”, remata Díaz.

Dende Esquerda Unida levamos anos a demandar máis carga de traballo para Navantia, ante o estrangulamento do naval público por parte do PP, no que se perderon milleiros de postos de traballo no estaleiro e o na comarca de Ferrolterra, con altos índices de desemprego.

La entrada Díaz esixe ao Goberno que leve á Fiscalía Anticorrupción o Caso de Cospedal e Morenés por frear a construción de fragatas en Navantia aparece primero en Contrainformación.

Esquerda Unida apoia a folga do persoal da CRTVG contra o desmantelamento do servizo

Esquerda Unida apoia a folga do persoal da CRTVG que reivindica a dignidade dos medios públicos de comunicación de Galicia, un parón de nove xornadas que terá lugar entre o martes 20 de novembro e o sábado 22 de decembro. Dende Esquerda Unida queremos apoiar ao persoal que xa leva 25 semanas mobilizándose nos coñecidos como “venres negros”, para reclamar a fin da manipulación e do control informativo na CRTVG, a creación dun Consello de Informativos e Estatuto Profesional, o cumprimento da Lei de Medios Públicos ou a recuperación da produción propia interna, entre outras demandas.

Dende Esquerda Unida reivindican a necesidade de contar cuns medios públicos de calidade, que garantan o dereito a termos unha información veraz.

Ademais rexeitamos totalmente a instrumentalización que se da coas traballadoras e os traballadores de medios públicos, usadas como ferramentas para intervir no mundo político, co impedimento que convela que non fagan o seu traballo tal e como xulgan, como profesionais da comunicación que son.  

Por todo isto, dende Esquerda Unida trasladamos todo o noso apoio ás traballadoras e traballadores da CRTVG na loita que están a dar en prol da recuperación deste medio público e contra o seu desmantelamento. Ademais dos paros parciais, o mércores 19 de decembro haberá unha manifestación á que chamamos a participar.

La entrada Esquerda Unida apoia a folga do persoal da CRTVG contra o desmantelamento do servizo aparece primero en Contrainformación.

Ana Pontón pide a Feixóo que se disculpe por intentar danar a Fernando Blanco e ao BNG con inxurias

A portavoz nacional, Ana Pontón, volveu expresar a satisfacción do BNG porque, aínda que tarde, a Xustiza confirmou que ex conselleiro de Industria, Fernando Blanco, desenvolveu o seu cargo de xeito irreprochable e en beneficio dos intereses de Galiza.

“Tarde pero a verdade saíu a luz”, salientou a dirixente do Bloque, quen se preguntaba como é posible que unha persoa poda ser investigada durante oito anos “sen ningún tipo de base, nun proceso no que os prazos se dilatan condicionando a vida persoal, política e profesional dunha persoa sen que pase nada”.

Á marxe da tardanza, “é un motivo de satisfacción que se confirme o que no BNG sabíamos: Que Fernando Blanco foi unha persoa que na súa vida política defendeu os intereses de Galiza, poñendo en cuestións moitos intereses económicos dos de sempre, e pode ir coa cabeza moi alta porque sempre estivo á altura e ten acreditado o seu compromiso con este país”, recalcou a líder nacionalista.

Pontón instou ao presidente do PP a desculparse por inxuriar tanto ao ex conselleiro como ao Bloque.

“Feixóo deber recoñecer que utilizou partidista e inxustamente unha causa para intentar danar a unha persoa e a unha forza política e que o fixo con inxurias”, argumentou, por tanto, “debe desculparse” tendo en conta ademais que o presidente da Xunta milita nun partido condenado por corrupción onde non se explica quen recibía sobres en B, como ven de denunciar o ex secretario de organización do PPdG, Pablo Crespo.

Ana Pontón fixo unha reflexión en relación as dimisións de cargos públicos. “Para esixir a dimisión a un responsable público ten que haber unha solidez nas acusacións, teñen que ter base e ten que haber probas contundentes, e iso é compatible coa transparencia e con ser esixentes cos cargos públicos”.

La entrada Ana Pontón pide a Feixóo que se disculpe por intentar danar a Fernando Blanco e ao BNG con inxurias aparece primero en Contrainformación.

Olalla Rodil esixe dimisións políticas por enchufar nun cargo público á unha familiar de López Abella

O TSXG sentenciou abuso de poder creando unha praza ad hoc en contra do criterio do centro educativo, a Escola de Restauración de Pontevedra

O BNG reclamou á Xunta na Comisión parlamentaria de Educación que dirima responsabilidades políticas e aplique os ceses que correspondan despois de que o Tribunal Superior de Xustiza de Galiza (TSXG) ditaminase que houbo abuso de poder por parte da Administración pública creando unha praza ad hoc para enchufar a unha familiar da secretaria xeral de Igualdade, Susana López Abella, na Escola de Restauración de Pontevedra.

A viceportavoz parlamentaria, Olalla Rodil, explicou que a sentenza do alto tribunal anula a adxudicación dunha praza no concurso xeral de traslados de 2016, “praza concedida a unha familiar da secretaria xeral de Igualdade, que actuou de maneira torcida para colocala”.

Rodil relatou o modus operandi da Xunta para materializar este caso de enchufismo. “Creou unha praza a medida desa persoa que nin sequera fora reclamada pola propia escola, porque o obxectivo da Xunta non era atender as demandas do centro senón garantir un posto de traballo na función pública á cuñada da señora Abella. Para entendernos, unha cacicada”, recalcou.

Segundo recolle a sentenza, “a praza foi ofertada para que fose adxudicada á mencionada persoa cando non existe en Galiza esa especialidade, non é necesaria a mesma, nunca se impartiu na Escola correspondente e a súa incorporación causa graves trastornos á calidade da docencia e ao reparto de materias nos departamentos”.

Afondando neste argumento, o TSXG vai máis aló e sinala que a cuñada da secretaria xeral de Igualdade “integrouse de maneira anómala na función pública galega e con anterioridade xa fora incluída de maneira irregular na listaxe de persoal temporal da Consellaría de Educación da que foi excluída pola reclamación das persoas prexudicadas”.

“Un escándalo, unha cacicada absolutamente inadmisíbel sobre a que xa advertira a Valedora do Pobo, unha actuación ilegal, exemplo claro e flagrante de nepotismo, polo que desde o BNG exiximos a dimisión das persoas responsábeis”, concluíu Rodil sen obter compromiso algún por parte do secretario de Educación, Jesús Oitavén.

La entrada Olalla Rodil esixe dimisións políticas por enchufar nun cargo público á unha familiar de López Abella aparece primero en Contrainformación.

O BNG e A Mesa acusan ao Estado español de incumprir a Carta europea das linguas rexionais ou minoritarias

A eurodeputada do BNG, Ana Miranda, cualificou de “tremendamente grave” o incumprimento da Carta europea das linguas rexionais ou minoritarias denunciado polo representante de A Mesa Pola Normalización Lingüística, Paulo Filgueiras, na súa intervención no Intergrupo de Linguas do Parlamento Europeo.

“Resulta imprescindible que o Estado español cumpra este tratado e para iso debe adaptar a lexislación”, defende Ana Miranda, quen explica que se trata dun tratado internacional promovido polo Consello de Europa para garantir a normalidade das linguas minorizadas que o Estado español ratificou en 2001 no seu grao máximo. Segundo a Carta, o Estado ten que garantir o uso pleno do galego nos territorios onde é oficial ou está protexido polo estatuto en ámbitos como educación, xustiza, administración, relación sociais e económicas, cultura ou relacións transfronteirizas.

Asemade, a eurodeputada nacionalista propuxo o envío dunha carta por parte dos membros do Intergrupo de Linguas dirixida ao Consellol de Europa co obxectivo de denunciar a situación da lingua galega. Miranda lembrou que unha iniciativa similar xa se levou a cabo no 2010 sendo eurodeputado Oriol Junqueras, quen tamén participou nas manifestacións de “Queremos Galego”.

Pola súa banda, Filgueiras explicou que, en ocasións anteriores, os expertos europeos alertaron sobre as graves deficiencias na aplicación da Carta, nomeadamente no ensino, o que motivou unha recomendación do propio Consello de Ministros sinalando que a introdución doutra lingua non podía servir de escusa para a eliminación da propia no ensino. “Porén, nesta ocasión, o Estado remitiu ao Comité de Expertos un informe que manipula os datos e que mente, co fin de obter unha avaliación positiva”, denunciou o representante de A Mesa.

Ao seu xuízo, a Carta se converte en “papel mollado” se non se habilitan mecanismos para facer cumprir o tratado. Neste sentido, Filgueiras mencionou diversos casos da situación do galego en Galiza, como as queixas da cidadanía que non poden acceder á xustiza en galego, a animadversión e insultos por parte de funcionarios, a ausencia do galego nos medios de comunicación, “menos actualmente nos medios escritos diarios que a principios dos anos 80”, apuntou.

Outro dos aspectos que denunciou Paulo Filgueiras é o da substitución lingüística que segundo ten constatado A Mesa se está producindo do galego polo castelán en espazos comunicativos que eran inicialmente en galego fomentados tanto polo goberno galego e o estatal,

La entrada O BNG e A Mesa acusan ao Estado español de incumprir a Carta europea das linguas rexionais ou minoritarias aparece primero en Contrainformación.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies