SATURDAY 23 FEBRUARY 2019

Archivos de Autor: admin

Aprobada por unanimidade a proposta de En Marea de crear a base do 061 anexa ao novo centro de saúde da Estrada

Eva Solla: “A día de hoxe a ambulancia tarda entre 12 e 15 minutos máis en acudir a unha urxencia por ter que desprazarse a recoller profesionais sanitarios ao PAC” 

En Marea logrou esta mañá a unanimidade no Parlamento de Galicia á iniciativa presentada por Eva Solla na Comisión de Sanidade para reclamarlle á Xunta que aproveite a construción do novo centro de saúde da Estrada para contemplar no mesmo lugar a base do 061, que actualmente se atopa separada do centro de saúde, retrasando as asistencias sanitarias entre 12 e 15 minutos.

“En Sanidade sabeos que os minutos salvan vidas”, lembrou a deputada Eva Solla, a quen lle parece incomprensible que a Consellería de Sanidade non contemplase trasladar a base da ambulancia do 061 ao novo centro de saúde en construción, para evitar os desprazamentos do vehículo para recoller os facultativos.

En Marea xa formulou esta cuestión por escrito á Consellería, logo de reclamar a construción da base no Parlamento con anterioridade. “A resposta da Consellería é que non está prevista esta dotación, porque non, sen ningún tipo de explicación nin motivación”, denunciou Solla.

“Son os propios técnicos do 061 os que reiteradamente teñen solicitado este traslado pedíndolle á Xunta que recapacite, pois trátase dunha obra menor e hai terreos suficientes para ubicala ao carón da nova infraestrutura”, lembrou a deputada de En Marea, que insistiu en que se trata de “mellorar a asistencia sanitaria aos usuarios e usuarias nunha situación de emerxencia”.

A iniciativa logrou a unanimidade dos grupos, logo de transaccionar unha emenda do PP que formulaba que se contase coa colaboración do Concello na construción da nova base anexa ao centro de saúde, actualmente en obras.

En Marea pide unha actuación inmediata da Xunta ante o anuncio dun ERE temporal de dous anos nas factorías de Ferroatlántica

 Ferroatlántica vén de comunicar aos seus traballadores a posta en marcha dun Expediente de Regulación Temporal de Emprego por dous anos nas suas factorías. Para En Marea este anuncio supón un incumprimento das condicións das concesións das centrais, que especifica que se concede a mencionada concesión para garantir a viabilidade das factorías de Cee e Dumbría e require unha actuación inmediata por parte da Xunta.

“Ante esta situación, a Xunta de Galicia ten que intervir para exixir a Ferroatlántica que cumpra coas condicións da concesión e garantice a viabilidade das tres factorías en Cee, Dumbría e Sabón”, reivindica o deputado Francisco Casal, que considera imprescindible unha auditoría dos beneficios extraídos da explotación das centrais hidroeléctricas e a exixencia de que se invistan prioritariamente no desenvolvemento e mellora da competitividade das factorías galegas de Ferroatlántica en vez de dedicarllos a outros negócios da empresa”. 

Aínda non se coñece a cantos traballadores da plantilla fixa afectará, pero de maneira inmediata xa suporá a perda duns cen postos de traballo pola non renovación dos contratos eventuais e a rescisión de contratos das empresas auxiliares. “As excusas da empresa, xustificadas na baixada das axudas de interrumpibilidade e os baixos prezos do ferromanganeso e silicomanganeso nos mercados, son totalmente inadmisibles tendo en conta as características de autoproductor que ten a compañía, o que lle permitiría abastecerse de electricidade a custos moi inferiores as do mercado”, sinala Casal.

Para En Marea detrás deste anuncio está o “negocio fabuloso que fai Ferroatlántica vendendo a enerxía no mercado no canto de abastecer as suas propias factorías, condición que sustenta a concesión das centrais, que se abastecen dun ben público como as augas dos ríos Xallas e Grande que os galegos lles cedemos en concesión precisamente para garantir a viabilidade das factorías”.

Segundo o deputado Francisco Casal,o complexo Cee-Dumbría-Centrais Hidráulicas xerou en 2018 uns ingresos de entre 35 e 40 Millóns de euros. “A baixada de prezos do Ferromanganeso e silicomanganeso, tampouco é unha causa suficiente, xa que a empresa o segue a producir trasladando esta producción as suas factorías en Francia e en Noruega adquiridas cos beneficios obtidos cos rendimentos das centrais hidráulicas da Costa da Morte”, denuncia e engade que “é intolerable que os rendementos das centrais no canto de garantir a viabilidade das factorías de Cee e Dumbría fagan xusto o contrario coa permisividade da Xunta de Galicia”.

Por outra parte,  as condicións da concesión obrigan a empresa a investir en Galicia nun plan industrial que debería garantir tamén a viabilidade e incluso a potenciación da factoría de Sabón que produce o demandado silicio metal base da fabricación de paneis solares fotovoltáicos.

“Redes contra a política do espolio” Reportaxe documental sobre os colectivos cidadás pola defensa do medio ambiente na contorna de Compostela

A reportaxe documental realizada por Xose A. Bocixa Rei coa colaboración de Nós Televisión reúne as testemuñas de oito colectivos sociais que enfrontan e resisten, mediante a organización cidadá, as penosas consecuencias medio ambientais que ocasionan diversas empresas da comarca compostelá.

Na metraxe de 90 min. de X.A. Bocixa dan testemuña de forma coral ás organizacións Plataforma Mina Touro – O Pino Non, Plataforma Casalonga Limpa de Residuos, Asociación de afectados polo verdeoiro de Lesta, Plataforma de afectados polo vertedoiro Santiago de Compostela – Miramontes, Plataforma Pola Recuperacion Do Sar, Plataforma de afectados pola Destilería de Contimunde, Colectivo Non Eólicos de Ordes, e a Comisión de seguimento da minería e defensa do rural, Mesía – Frades. Como organización invitada na participación do documental está Salvemos Catasós, como exemplo de loita longa parcialmente gañada.

Estes oito colectivos repartidos en máis de doce concellos da contorna de Compostela contan á cámara qué os levou a unirse e a organizarse e cómo se enfrontan, armados pouco máis que coa súa propia vontade, a determinadas empresas que actúan de forma perigosa para a saúde das persoas e o medio ambiente e que operan no amparo da pasividade das administracións.

Cada un destes grupos cidadás enfrontan loitas particulares e locales, mais todos coinciden nunha mesma denuncia: a pasividade da Xunta de Galicia e Goberno de España ante as actuacións altamente contaminantes e perigosas para a saúde e o medio de determinadas empresas que se xeolocalizan na contorna de Compostela.

 

A estrea

O 9 de febreiro en Ordes (Casa da Cultura, 19.30h) estrearase a reportaxe documental “Redes contra a política do espolio” coa presentación do seu director, Xosé Bocixa. Tras a proxección da película haberá un coloquio aberto con representantes de cada organización co obxectivo de afondar na realidade de cada conflicto e de establecer un diálogo co auditorio.

Música, deseño e talento galego.

X.A. Bocixa reúne ademáis na banda sonora desta reportaxe documental unha fantástica lista de música galega e combatente. Con unha escolma de temas especialmente seleccionados para a reportaxe Xenderal, Zënzar, Túzaros, Desequilibrio Mental… son só algúns dos artistas e bandas que aderezan músicalmente esta peza audiovisual.

Mención a parte merece o grafismo e ilustración do cartaz realizado pola ilustradora ordense Laura Romero, recentemente galardoada polo premio Compostela Ilustra 2018.

Cartaz deseñado por Laura Romero: https://bit.ly/2HTouKn

Os vídeo-avances

Ó longo desta semana os organizadores foron publicando pequenos clips de vídeo en forma de avances da reportaxe documental, no evento de Facebook creado para a convocatoria da estrea. O avance do vídeo coas impactantes imaxes do vertedoiro de SOGAMA e coas declaración dos veciños da Asociación de Afectados polo Vertedoiro de Lesta foi o vídeo máis compartido acumulando máis de 22 mil reproduccións. Estas pequenas píldoras de vídeo están a recibir moi boa acollida, e entre todos eles xa suman máis de 35.000 reproduccións e centos de compartidos.

 

Avance 4 – Comisión de Seguimento da Minería e Defensa do Rural, Mesía- Frades.

Avance 3 – Plataforma Casalonga Limpa de Residuos

Avance 2 – Plataforma de Afectados pola Destilería de Contimunde (Rois)

Avance 1 – Non ao vertedoiro de Lesta

Luís Bará: “O PP recibiu un toque de Madrid e deu marcha atrás na reclamación de competencias”

A través dunha pregunta parlamentaria ao goberno galego, formulada polo  deputado do BNG, Luís Bará sobre o desenvolvemento da lei de política galega e a demanda ao Goberno central das competencias de Tráfico, circulación de vehículos e seguridade cidadá, o director xeral de Emerxencias, Santiago Villanueva respondeu que a Xunta non renuncia a novas competencias pero sempre que sexan útiles e financiadas.

Para o nacionalista, a resposta de Villanueva, evidencia o “xesto cara a galería” do Partido popular e do propio  Núñez Feixóo sobre o tope competencial en ámbitos como os xa transferidos a Euskadi e Catalunya. Agora, dixo, “déronlle o toque desde Madrid” e hai que “repregar velas e dar marcha atrás”.

Bará criticou que o Parido popular galego, no goberno dende o ano 2009, non conseguira ningunha transferencia, o balance é “cero patatero” a pesar do goberno amigo de Raxoi e co que sería máis fácil, supostamente, negociar as transferencias. A súa vontade política para conseguir algunha competencia para Galiza, recalcou é “cero”  e os seus anuncios agora chocan cos feitos.

O PP utiliza a escusa dos orzamentos para xustificar a falta de transferencias e insistiu en que o BNG xa denunciou publicamente “o agravio” dos orzamentos do Estado con Galiza. No vindeiro pleno, explicou Bará, teremos oportunidade de debater sobre esta cuestión porque os investimentos e a reclamación de transferencias “non son incompatibles, son complementarias”. Transferencias si, repetiu Bará pero tamén orzamentos “xustos e non discriminatorios para Galiza.”

O deputado recriminou ao director xeral de emerxencias  que tentara xustificar que   as competencias en Tráfico  non son necesarias nin o desenvolvemento da Lei de policía. Os datos de seguridade viaria e accidentes son en Galiza “extraordinariamente preocupantes” e a Xunta ten neste ámbito moita responsabilidade.

Despois da súa intervención, dixo Bará, queda claro que  o goberno non ten intención de avanzar. Vostedes están actuando como un “goberno paria” e aceptando a doutrina “da marcha atrás e da recentralización”. Non escoitei ningunha voz en contra das palabras de Casado cando propón recentralizar competencias, vostedes, sentenciou,  “apoian ese discurso, o discurso da recentralización de competencias”.

ABELEDO APOIA AS PROPOSTAS SOBRE O EXPEDIENTE DE CONTRATACIÓN DO SERVIZO DE RECOLLIDA DE RESIDUOS SÓLIDOS DO CONCELLO DE NARÓN FEITAS POLO COMITÉ DE EMPRESA

André Abeledo apoia todas as achegas que o presidente do Comité de Empresa de Urbaser S.A. na súa actividade de recollida e transporte de residuos sólidos urbanos e limpeza pública viaria do concello de Narón ( actual concesionaria do servizo ),  fixo chegar ao Equipo de Goberno mediante un escrito rexistrado o 8   de xaneiro de 2019. Escrito onde os representantes dos traballadores fan unha serie de propostas relativas ao expedinte de contratación do servizo.

Abeledo tamén esixe que o Concello de resposta por escrito aos representantes dos traballadores, posto que a día de hoxe aínda non o fixo. Xa que son as traballadoras e traballadores e os seus representantes sindicais os que mellor coñecen o seu traballo e as súas necesidades.

Parte das achegas do Comité de empresa son as seguintes:

No artigo 9  do prego de cláusulas administrativas particulares que han de rexer a contratación da prestación dos servizos de recolleita de residuos urbanos e limpeza viaria no concello de Narón ( revisión de prezos ), establecese o seguinte :

 variación de los costes salariales pactados en el Convenio Colectivo del sector de saneamiento público, limpieza viaria, riegos, recogida, tratamiento y eliminación de residuos, limpieza y conservación de alcantarillado. Si dicha variación fuera superior al incremento experimentado por la retribución del personal al servicio del sector público conforme a las Leyes de Presupuestos Generales del Estado (PGE), se tomará este último índice como referencia. “.

A actualización de prezos tendo en conta os incrementos salariais do convenio estatal do sector, ou se é menor o incremento das retribucións do persoal ao servizo do sector público, tendo en conta o mesmo, pode supor un problema na negociación colectiva do convenio de centro de traballo vixente na empresa, pois estaría de facto, limitando os incrementos do mesmo, limitando así de xeito indirecto o dereito à negociación colectiva.

Polo tanto neste sentido entendemos sería mais correcto ter en conta os incrementos salariais pactados no convenio colectivo de centro de traballo aos efectos da revisión de prezos.

 

CUSTES DE PERSOAL.

En relación aos custes de persoal, os cálculos feitos para os mesmos deben incluír os custes das axeitacións das xornadas. Así mesmo, deben incluír os gastos derivados da cobertura de Its, vacacións, e calquera cobertura temporal de persoal.

 

CATEGORÍA PEÓN-CONDUTOR

No convenio colectivo non existe a categoría de Peón-Condutor, polo que non ten sentido a inclusión desas prazas nos pregos,  pois colisiona coa potestade da negociación colectiva para definir os grupos profesionais.

 

CATEGORÍA ENCARGADO

No convenio colectivo non figura esta categoría.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies